له‌میا فه‌هیمى پێشكه‌شكارى به‌رنامه‌ى له‌ كه‌ناڵى (عین)
له‌میا فه‌هیمى پێشكه‌شكارى به‌رنامه‌ى (پایه‌كانى ره‌وشت) له‌ كه‌ناڵى (عین): هه‌رگیز واز له‌ پێشكه‌شكردنى بــه‌رنامه‌ ئاینییه‌كـــان ناهێنم..

(له‌میا فه‌هیمى) پێشكه‌شكارى به‌رنامه‌ى (پایه‌كانى ره‌وشت) له‌ كه‌ناڵى (ART)، له‌ دیمانه‌یه‌كى گۆڤارى (ئه‌لیه‌قه‌زه‌) ئه‌وه‌ى ئاشكرا كرد كه‌ "هه‌رگیز واز له‌ پێشكه‌شكردنى به‌رنامه‌ ئاینییه‌كان ناهێنێت، چونكه‌ له‌و كاته‌ى به‌رنامه‌ى ئایینى پێشكه‌ش ده‌كه‌م ته‌واو ئاسوده‌ ده‌بم". (له‌میا) ئه‌وه‌شى ئاشكرا كرد كه‌ هه‌ڵبژاردنى بابه‌ته‌كانى به‌رنامه‌ى (پایه‌كانى ره‌وشت) به‌ راوێژ ده‌بێت له‌گه‌ڵ (دكتۆر مه‌بروك عه‌تییه‌) و، بابه‌ته‌كانى ئه‌م به‌رنامه‌یه‌ كاریگه‌رییه‌كى زۆرى له‌سه‌ر ژیانم جێهێشتووه‌..

له‌ باره‌ى ئه‌وه‌ى ئایا ئاماده‌یى هه‌یه‌ به‌رنامه‌یه‌كى كۆمه‌ڵایه‌تى پێشكه‌ش بكات؟ (له‌میا فه‌هیمى) ده‌ڵىَ: "به‌ڵآ، ئاماده‌ییم تێدا هه‌یه‌ به‌ مه‌رجێك ئه‌م به‌رنامه‌یه‌ خزمه‌تى كۆمه‌ڵگاى پێ بكرێت، نه‌ك به‌ پێچه‌وانه‌وه‌ ته‌نها بۆ كات به‌سه‌ربردن بێت، به‌داخه‌وه‌ زۆرێك له‌ كه‌ناڵه‌كان به‌رنامه‌ى بێ ناوه‌رِۆكیان هه‌یه‌، كه‌چى ناویان لێناوه‌ به‌رنامه‌ى كۆمه‌ڵایه‌تى".

(له‌میا فه‌هیمى) تاقه‌ پێشكه‌شكاره‌ له‌ كه‌ناڵى (عین) كه‌ حیجابى پۆشیوه‌، ئایا ئه‌مه‌ نه‌بۆته‌ جێگاى پرسیارى هاورِێیانى؟ (له‌میا) ده‌ڵێت: "نه‌خێر، به‌پێچه‌وانه‌وه‌، زۆرێك له‌ هاورِێكانم هیوا ده‌خوازن ئه‌وانیش وه‌كو من بتوانن حیجاب بپۆشن و، زۆرجار داواى یارمه‌تیم لێده‌كه‌ن تاوه‌كو رێگه‌یه‌كیان بۆ بدۆزمه‌وه‌ و ئه‌وانیش بتوانن حیجاب بپۆشن".

(له‌میا) له‌و دیمانه‌یه‌دا ئاماژه‌ به‌وه‌ش ده‌دا كه‌ "ئه‌و زۆر حه‌ز به‌ به‌رنامه‌ى راسته‌وخۆ ده‌كات، نه‌ك له‌و به‌رنامانه‌ى كه‌ تۆمار ده‌كرێن، چونكه‌ به‌رنامه‌ى راسته‌وخۆ ئاشنایت له‌گه‌ڵ خه‌ڵك زیاتر ده‌كات، به‌ پێچه‌وانه‌ى به‌رنامه‌ى تۆماركراو مه‌سافه‌ دروست ده‌كات له‌نێوان پێشكه‌شكار و بینه‌ر".

(له‌میا فه‌هیمى) جیا له‌ پێشكه‌شكردنى به‌رنامه‌ى (پایه‌كانى ره‌وشت) له‌ كه‌ناڵى (عین)، زۆرجار خه‌ریكى وێنه‌كێشانه‌ و به‌وه‌شیان زۆر دڵخۆشه‌..
سه رچاوه: یه کگرتووی ئیسلامی