مه‌سعود بارزانی‌ ده‌ست له‌ كاربكێشه‌ره‌وه‌"

barzan

مه‌سعود بارزانی‌ ده‌ست له‌ كاربكێشه‌ره‌وه‌"

رێكخراوێك سه‌رۆكی‌ هه‌رێم، مه‌سعود بارزانی‌‌و سه‌رۆكی‌ حكومه‌ت، نێچیرڤان بارزانی‌ به‌خه‌مسارد‌و كه‌مته‌رخه‌م "تاوانبار" ده‌كات به‌رامبه‌ر 69 به‌ركه‌وته‌ی‌ چه‌كی‌ كیمیاوی‌‌و داوا ده‌كات ده‌ستبه‌جێ‌ ده‌ست له‌كار بكێشنه‌وه‌.
تایبه‌ت به‌ئاوێنه‌: پاش گیانله‌ده‌ستدانی‌ به‌ركه‌وته‌یه‌كی‌ تری‌ چه‌كی‌ كیمیاوی‌ له‌هه‌ڵه‌بجه‌، "ناوه‌ندی‌ هه‌ڵه‌بجه‌ دژ به‌ئه‌نفالكردن‌و ژینۆسایدی‌ گه‌لی‌ كورد- چاك" له‌به‌یاننامه‌یه‌كدا كه‌ كۆپییه‌كی‌ ده‌ست ئاوێنه‌ كه‌وتووه‌، داوا ده‌كات سه‌رۆكی‌ هه‌رێم، مه‌سعود بارزانی‌‌و جێگره‌كه‌ی‌، كۆسره‌ت ره‌سوڵ‌‌و سه‌رۆكی‌ حكومه‌ت‌و جێگره‌كه‌ی‌‌و هه‌ردوو وه‌زیری‌ ته‌ندروستی‌‌و شه‌هیدان‌و ئه‌نفالكراوه‌كان ده‌ست له‌كاربكێشنه‌وه‌. هاوكات هه‌ڵوێستی‌ سه‌رۆكایه‌تی‌ په‌رله‌مان‌و ئه‌ندامه‌كانی‌ مه‌حكوم ده‌كات كه‌ تائێستا هیچ بڕیارێكیان پێشكه‌ش به‌حكومه‌ت نه‌كردووه‌ بۆ چاره‌سه‌ركردنی‌ ئه‌و بریندارانه‌.
له‌به‌یاننامه‌كه‌دا هاتووه‌ "ڕۆژانه‌ گوێبیستی‌ ده‌یان پڕۆژه‌ی‌ ئابووری‌‌و فیستیڤاڵ‌‌و كۆنفرانسی‌ بێئه‌نجام ده‌بین، كه‌ سه‌دان ملیۆن دۆلاری‌ بۆ سه‌رف ده‌كرێت، هه‌ر به‌رپرسێكیش بۆ چاره‌سه‌ری‌ ساده‌ترین نه‌خۆشی‌ خۆی‌، روو ده‌كاته‌ ئه‌وروپا‌و پاره‌یه‌كی‌ خه‌یاڵی‌ سه‌رف ده‌كات، به‌ڵام 69 به‌ركه‌وته‌ی‌ چه‌كی‌ كیمیاوی‌ نانێرنه‌ ده‌ره‌وه‌ی‌ وڵات بۆ چاره‌سه‌ركردن".
به‌یاننامه‌كه‌ ئاماژه‌ به‌وه‌ ده‌كات ده‌سه‌ڵاتی‌ كوردی‌ هیچ بایه‌خێك به‌ژیان‌و گوزه‌رانی‌ بنه‌ماڵه‌ی‌ قوربانیانی‌ كیمیاباران‌و ناوچه‌ ئه‌نفالكراوه‌كان نادات، به‌ڵام له‌لایه‌كی‌ تره‌وه‌ داڵده‌ی سه‌دان سه‌رۆك جاش‌و مه‌فره‌زه‌ی‌ تایبه‌ت ده‌ده‌ن كه‌ به‌شداربوون له‌تاوانه‌ كۆمه‌ڵكوژییه‌كانی‌ كورددا.
به‌پێی‌ ناوه‌ڕۆكی‌ به‌یاننامه‌كه‌ له‌ساڵی‌ 2006دا، 210 هاڵاتی‌ به‌ركه‌وته‌ی‌ چه‌كی‌ كیمیاوی‌ باری‌ ته‌ندروستییان خراپ بووه‌، له‌م ژماره‌یه‌ 69 كه‌سیان پێویستییان به‌چاره‌سه‌ركردن هه‌یه‌ له‌ئه‌وروپا، ئه‌وانه‌ی‌ تریشیان پێویستیان به‌چاره‌سه‌ركردنی‌ به‌رده‌وام هه‌یه‌ له‌هه‌رێمی‌ كوردستاندا. له‌دوو ساڵی‌ رابردوودا له‌ 69 كه‌س سیانیان گیانیان له‌ده‌ستداوه‌‌و سێیه‌میان (حه‌مه‌د ئه‌مین ساڵح)ه‌، كه‌ رۆژی‌ 15/6 له‌شاری‌ هه‌ڵه‌بجه‌ی‌ شه‌هید گیانی‌ له‌ده‌ستدا.
بۆ خوێندنه‌وه‌ی‌ زیاتری‌ به‌یاننامه‌كه‌ سه‌ردانی‌ ئه‌م سایته‌ بكه‌.

سه رچاوه :

تنها کاربران عضو سايت قادر به مشاهده لينک ها هستند.
عضويت در سايت / ورود به سايت